АҚШ давлат котиби Жон Керрининг синган оёғи операция қилинди, дея хабар бермоқда «РБК» Давлат департаменти матбуот котиби Мари Харфга таяниб.
«У операциядан чиқди. Ҳаммаси яхши ўтди», — деди у. Шунингдек Керрининг аҳволи яхши эканлиги ва айни пайтда дам олаётгани, операцияни Бостондаги Массачусетс умумий касалхонаси шифокорлари ўтказгани хабар қилинди.
Эслатиб ўтамиз, 31 май куни Жон Керри Франциянинг Сьонзе шаҳри яқинида Тур де Франс йўналиши бўйича турнеда велосипеддан йиқилган ва вертолётда Женевадаги касалхоналардан бирига етказилган эди. Шундан сўнг Керри Мадрид ва Парижга ташрифини бекор қилиб, даволанишга АҚШга қайтиб кетди.
Изоҳ (0)