2015 йил 29 май куни Ўзбекистон Республикаси Вазирлар Маҳкамасининг «‘Маънавий ҳаёт’ журнали таҳририятини ташкил қилиш тўғрисида»ги қарори қабул қилинди, деб хабар қилади «Uz24.uz».
Қарорга кўра, Миллий ғоя ва мафкура илмий-амалий маркази муассислигида юридик шахс мақомига эга бўлган «Маънавий ҳаёт» журналининг таҳририяти ташкил этилади.
«Маънавий ҳаёт» журнали таҳририяти бош муҳаррири Миллий ғоя ва мафкура илмий-амалий маркази раҳбари томонидан тайинланиши ва вазифасидан озод этилиши белгилаб қўйилди.
«Маънавий ҳаёт» журнали таҳририяти Тошкент шаҳар, Миробод тумани, Буюк Турон кўчаси, 42-уй манзилида жойлашган Ўзбекистон Миллий ахборот агентлиги биносига ижара тўлови ундирилмасдан жойлаштирилади.
«Маънавий ҳаёт» журнали таҳририятининг пул маблағлари журнални сотишдан тушадиган маблағлар; юридик ва жисмоний шахсларнинг хайрия эҳсонлари, хорижий ва халқаро ташкилотлар, хорижий давлатларнинг грантлари; бюджет маблағлари (субсидия); қонун ҳужжатларида тақиқланмаган бошқа тушумлар ҳисобига шакллантирилади.
Эслатиб ўтамиз, «Маънавий ҳаёт» журналининг илк сони 2014 йил февраль ойида нашрдан чиққан. Унда «Туронзамин фалсафаси», «Тирик сатрлар» ва бошқа рукнларда таҳлилий материаллар чоп этилган
Изоҳ (0)