Узоқ давом этган касалликдан сўнг Қирғизистоннинг энг дароз одами – Женишбек Райимбаев 1 июнь куни Норин вилоятидаги уйида вафот этди. Бу ҳақда «AKIpress» хабар бермоқда.
Хабар беришларича, Райимбаев қандли диабет ва бошқа касалликлардан азият чекиб келарди. 2014 йили унинг бир оёғи кесиб ташланган эди.
Беморнинг даволаниши учун Қирғизистон президенти Алмазбек Атамбаев 100 минг сўм ажратган, шунингдек, ҳар ой 10 минг сўм миқдорида стипендия тўлаш ҳақида кўрсатма берганди.
Қайд этишларича, Қирғизистоннинг энг дароз одами 3 июнь куни Норин вилояти Актала туманидаги ўзининг она қишлоғи – Кўкжарга дафн этилади.
Изоҳ (0)