Покистон шимолидаги Хайбер-Пахтунхва провинциясида маҳаллий сайловларга номзодни қўллаб-қувватлаб ўтказилаётган митингда граната портлади, натижада етти киши ҳалок бўлди, дея хабар бермоқда «РИА Новости».
Ҳодиса 31 май куни кечки пайт Танк округидаги Кари Ҳайдер шаҳрида рўй берди. Граната митингга йиғилган одамлар ўз номзодлари Вали Ханнинг сайловлардаги ғалабасини нишонлаётган вақтда оломон ичида портлаб кетган. Яна бир неча киши ярадор бўлган, бироқ уларнинг аниқ сони айтилмаяпти.
Шунингдек воқеа атайлаб уюштирилган ҳужум ёки бахтсиз ҳодиса бўлгани ҳам номаълум.
Изоҳ (0)