Туркия президенти Ражаб Тоййиб Эрдўғон мухолифатчи Халқ-республика партияси етакчиси Камол Қиличдорўғли президент саройида тилладан ясалган ҳожатхонани топса, истеъфога чиқишга тайёрлигини маълум қилди, деб ёзади «РИА Новости».
Аввалроқ Қиличдорўғли Туркия парламентига сайловлар бўйича сайловолди кампанияси чоғида Туркиядаги ҳукмрон Адолат ва тараққиёт партияси «дунёда тилла ҳожатхоналар бўйича биринчи ўринни эгаллаши»ни таъкидлаган эди.
«Сиёсат адолатли бўлиши керак. ХРП раиси тилла ҳожатхоналар ҳақида гапирдими, энди президент саройига келиб, кўрсин. Агар у тилла ҳожатхонани топса, мен истеъфога чиқаман. Топмаса-чи, ўзи кетармикан? Мен котибга буйруқ бераман, уни саройга киритишади ва ҳамма нарсани кўрсатишади», — деди Эрдўғон ТRT телеканалига берган интервьюсида.
Изоҳ (0)