АҚШ Патентлар ва садво белгиларини рўйхатга олиш бюроси Chevrolet компанияси номига Bolt номини рўйхатга олишни рад этди. Motor.ru’нинг хабар беришича, бунга ушбу ном 2012 йили Yamaha мотоцикли модели учун рўйхатга олинган.
Chevrolet компанияси Bolt’ни рўйхатга олиш ҳақидаги сўровни 2014 йил августида йўллаган. Компания ишлаб чиқаётган янги, ҳамёнбоп электрокар шу номи билан аталиши режалаштирилаётган эди.
Bolt EV номи остидаги прототип модель 2015 йил январида Детройт автосалонида намойиш этилганди. Концепт қиймати 30 минг доллардан ортиқ бўлмаган, ҳар куни электр қуввати ёрдамида ҳаракатлана оладиган моделни намойиш этиш мақсадида ишлаб чиқилган.
Bolt концепт-карининг двигатели ҳақидаги маълумотлар ошкор этилмаган. Маълум бўлгани, автомобиль тўлиқ қувват билан 320 километрдан ортиқ масофани босиб ўта олади. Аккумляторлар захирасини тезкор қувват олиш станцияларида тўлдириб олиш мумкин бўлади.
Bolt EV’нинг сериялаб ишлаб чиқариладиган версияси бошқа номни олади ва 2016 йил октябридан сотувга чиқарилиши кутилмоқда.
Изоҳ (0)