28 май куни Цюрихда ФИФАнинг навбатдаги — 65-конгресси очилиш маросими бўлиб ўтди, деб хабар қилади Ўзбекистон футбол федерацияси матбуот хизмати.
Маросимни ФИФА президенти – Йозеф Блаттер ўз нутқи билан очиб берди.
Сўнгра Цюрих шаҳри ҳокимияти вакили Филипп Леутенегер, Халқаро Олимпия Қўмитаси президенти Tomas Бах ҳам нутқ сўзлади.
ФИФА конгресси аъзолари ФИФА қонун чиқарувчи олий органи билан 29 май куни Цюрихдаги Hallenstadion’да учрашади ва ўз ишини бошлайди. Конгресс кун тартибидаги асосий масала — ФИФА президентлигига номзодлардан бирини сайлашдан иборат.
Маълумот учун, ФИФА президенти лавозимига иккита номзод бўлиб, улардан бири амалдаги ФИФА президенти Йозеф Блаттер, иккинчиси эса иорданиялик шаҳзода Али бин Ҳусайн ҳисобланади.
ФИФАнинг ушбу Конгрессида Ўзбекистон Футбол Федерацияси биринчи вице-президенти Сардор Раҳматуллаев ҳам иштирок этмоқда. Унга ЎФФ матбуот хизмати бошлиғи Санжар Ризаев ҳамроҳлик қилмоқда.
Изоҳ (0)