Форс Кўрфазида жойлашган араб мамлакатлари ўртасида анъанавий тарзда ўтказиб келинадиган турнирда бу сафар Ўзбекистон терма жамоаси аъзоси Азиз Ҳайдаров тўп сурадиган «Аш Шабоб» клуби ғолиб бўлди, деб хабар қилади Ўзбекистон футбол федерацияси матбуот хизмати.
Февраль ойида бошланган ушбу мусобақа финали 27 май куни бўлиб ўтди.
Финалга Бирлашган Араб Амирликларининг «Аш Шабоб» клуби билан бирга Уммоннинг «Ас Сиб» жамоаси етиб келганди. Улар ўртасидаги финал учрашувининг асосий вақти 1:1 ҳисобидаги дуранг билан якунланди.
Ўйиндан кейин ғолибни аниқлаш учун амалга оширилган пенальтилар сериясида эса 4:3 ҳисобида БАА жамоаси устун келди.
Изоҳ (0)