Хитойлик миллиардернинг ўғли ўз итига иккита Apple Watch Edition қимматбаҳо соатларини совға қилди. Hi-tech.mail.ru’нинг хабар беришича, ит бу ҳақда ижтимой тармоқдаги ўз саҳифасида хабар қолдирган.
«Энди менинг янги соатларим бор. Албатта, аслида менга тўртта соат керак, чунки менинг тўртта панжам бор, лекин бу жуда ҳаддан ошиш бўларди. Шунинг учун ҳам мен иккитаси билан кифояландим, чунки фақат битта бўлса, менинг мақомим учун жуда камлик қиларди. Сизда қандай соатлар бор?», - дея ўз фикри билан ўртоқлашди Ван Кеке лақабли сибир хаскиси Weibo’даги саҳифасида.
Хабар беришларича, тилла суви юритилган спортчи боғичли Apple Watch Edition смарт-соатлари Хитойда 88 минг юань, яъни, тахминан 14 минг доллардан сотилмоқда. Шундай қилиб, Ван Кеке қиймати 28 минг долларга тенг совғалар олган.
Итнинг эгаси – Ван Сиконг Хитойнинг энг бадавлат одамларидан бири – Ван Сзянпиннинг ўғлидир. У асос солган Dalian Wanda девелоперлик компанияси савдо марказлари тармоқларини қуриш ортидан бойиб кетган. Ҳозирги вақтда у Хитой Голливуди ва Диснейлендини қурмоқда. Унинг бойлиги 24,2 миллиард долларга баҳоланади.
Изоҳ (0)