Xitoylik milliarderning o‘g‘li o‘z itiga ikkita Apple Watch Edition qimmatbaho soatlarini sovg‘a qildi. Hi-tech.mail.ru’ning xabar berishicha, it bu haqda ijtimoy tarmoqdagi o‘z sahifasida xabar qoldirgan.
“Endi mening yangi soatlarim bor. Albatta, aslida menga to‘rtta soat kerak, chunki mening to‘rtta panjam bor, lekin bu juda haddan oshish bo‘lardi. Shuning uchun ham men ikkitasi bilan kifoyalandim, chunki faqat bitta bo‘lsa, mening maqomim uchun juda kamlik qilardi. Sizda qanday soatlar bor?”, - deya o‘z fikri bilan o‘rtoqlashdi Van Keke laqabli sibir xaskisi Weibo’dagi sahifasida.
Xabar berishlaricha, tilla suvi yuritilgan sportchi bog‘ichli Apple Watch Edition smart-soatlari Xitoyda 88 ming yuan, ya’ni, taxminan 14 ming dollardan sotilmoqda. Shunday qilib, Van Keke qiymati 28 ming dollarga teng sovg‘alar olgan.
Itning egasi – Van Sikong Xitoyning eng badavlat odamlaridan biri – Van Szyanpinning o‘g‘lidir. U asos solgan Dalian Wanda developerlik kompaniyasi savdo markazlari tarmoqlarini qurish ortidan boyib ketgan. Hozirgi vaqtda u Xitoy Gollivudi va Disneylendini qurmoqda. Uning boyligi 24,2 milliard dollarga baholanadi.
Izoh (0)