Хитой фуқароси Nokia Lumia 920 ёрдамида ўз ҳаётини сақлаб қолди, бироқ Microsoft компанияси унинг ўрнига йигитчага арзон Lumia 640 ХL смартфонини совға қилди, дея хабар бермоқда TJournal.
Май ойида Ген Мин исмли йигит ўзининг Lumia 920 смартфонига тикилиб, бошини эгиб турганида устига девор қулаган. Шифокорлар тахминича, унинг айнан шундай ҳолатда тургани ҳаётини сақлаб қолган.
Microsoft’нинг Хитой бўлинмаси вакиллари ҳодисадан реклама мақсадида фойдаланишга қарор қилиб, касалхонада ётган Мин ҳузурига ўз вакилини янги Lumia 640 ХL смартфони билан бирга жўнатди.
Нашр таъкидлашича, Microsoft Lumia 920’ни ундан янгироқ Lumia 930 билан алмаштирганида ҳозиргидек кулгили вазиятга тушиб қолмаган бўларди. Lumia 640 ХL ундан икки баробар арзон туради.
Изоҳ (0)