Россияда бўлиб ўтадиган футбол бўйича Жаҳон Чемпионати—2018 иккинчи саралаш босқичига киришиш олдидан Ўзбекистон миллий терма жамоаси Эрон билан ўртоқлик учрашуви ўтказади, деб хабар қилади Ўзбекистон футбол федерацияси матбуот хизмати.
Миржалол Қосимов шогирдлари Эронга қарши 11 июнь куни майдонга тушади.
Ушбу учрашувнинг ўтказилиш вақти ва жойи маълум бўлди. Демак, Ўзбекистон – Эрон ўйини Тошкентдаги «Бунёдкор» стадионида ўтказилади.
Учрашув соат 18:00 да старт олади.
Эслатиб ўтамиз, Ўзбекистон терма жамоаси Жаҳон Чемпионати саралаш босқичи доирасидаги дастлабки учрашувини 16 июнь куни, сафарда КХДРга қарши ўтказади.
Изоҳ (0)