АҚШнинг энг йирик банклари валюта бозоридаги фирибгарликларни тан олди

АҚШнинг энг йирик банклари J. P. Morgan, Citibank, шунингдек Буюк Британиянинг Barclays ва Royal Bank of Scotland, Швейцариянинг UBS банклари валюта бозоридаги фирибгарликлар ва ҳийлаларни амалга оширганини тан олди, деб хабар бермоқда Meduza.

Ушбу банклар жами 5,6 миллиард доллар миқдорида жарима тўлайди. Қайд этилишича, банкларнинг баъзи трейдерлари «картел» деб номланган яширин чат очиб, валюта бозоридаги битимларни бир-бирига фойдали қилиб тузишни муҳокама қилган.

J. P. Morgan банкининг қайд этишича, бу фақатгина камсонли ходимларга оид бўлиб, умумий амалиётга таъсир ўтказмаган. UBS валюта бозоридаги фирибгарликка алоқадорлигини тан олмаган, бироқ ставкаларга оид ҳийлалардаги иштирокини тан олган.