Tailand janubidagi Yala provinsiyasida 14-may kuni oqshomdan 15-may tongigacha davom etgan seriyali portlashlarda 38 kishi jabrlandi, deb xabar qiladi “TASS”.
Turli tumanlarda 23 ta portlash ro‘y bergani qayd qilindi. Yovuz niyatli kimsalar odamlar ko‘p joylarda quvvati kam bo‘lgan qo‘lbola qurilmalarni harakatga keltirgan.
Politsiya bu ishni sodir etgan ayirmachilarning maqsadi qurbonlar sonini oshirish emas, odamlarda qo‘rquv uyg‘otish bo‘lganini ta’kidladi. Mahalliy aholiga ma’lum bir vaqt uyni tark etmaslik tavsiya qilindi.
Tailand janubida bir nechta ayirmachi guruhlar bor. Ular musulmon saltanati qurish uchun 10 yildan beri hukumatga qarshi jang olib bormoqda. Bu vaqt davomida Yala, Pattani, Naratxivat va Songkxla provinsiyalarida 6 ming odam halok bo‘ldi. Tailand hukumati 2014-yilning oxiridan beri tinchlikka erishish uchun qo‘shni Malayziya vositachiligida ayirmachilar bilan muzokara olib bormoqda.
Izoh (0)