Бурундидаги давлат тўнтарилиши ташкилотчиларидан бири уларнинг уринишлари муваффақиятсизликка учраганини тан олди, дея хабар бермоқда «РИА Новости».
«Шахсан мен уринишларимиз пучга чиққанини эътироф этаман. Биз мавжуд режимни қатъиян қўллаб-қувватлайдиган ҳарбийлар қаршилигига учрадик», — дея маълум қилди генерал Сирил Ндайирукие.
Полициянинг юқори лавозимли вакили тасдиқлашича, фитначиларга кўмак берган қўшинлар Бурунди пойтахти Бужумбурадаги телерадиоузатиш мажмуасига ҳужумлари ҳукумат кучлари томонидан даф қилингач, тушкунликка тушиб қолган. «Исёнчиларнинг баъзилари таслим бўлди, қолганлари қочиб, жон сақламоқда», — дея қўшиб қўйди у.
Эслатиб ўтамиз, Африка қитъасида жойлашган Бурунди давлатида ҳарбий давлат тўнтаришига уриниш бўлган, кейинроқ у бостирилган эди.
13 майдан 14 майга ўтар кечаси полиция кийимидаги номаълум шахслар иккита хусусий радиостанися ва телеканални эгаллаб, генерал Годфруа Нийомбаре номидан Нкурунзиза учинчи марта президентлик сайловида иштирок этиш истагини билдириб, Конституцияни бузгани учун ҳокимиятдан четлатилиши ҳақидаги мурожаатни ўқиб эшиттирган.
Ўша пайтда Танзанияда бўлиб ўтаётган Африка давлатлари раҳбарлари саммитида иштирок этаётган Бурунди президенти Пьер Нкурунзиза ўзининг Twitter’даги саҳифасида мамлакат аҳолисини хотиржамликка чақириб пост жойлаштирган.
14 май, пайшанба куни президент мамлакатга қайтиб келган.
Изоҳ (0)