Ўзбекистон Қуролли кучлари «Globalfirepower.com» сайтида эълон қилинган дунёнинг энг қудратли қуролли кучлари рейтингида 54-ўринни эгаллади, дея хабар бермоқда UzDaily. Рейтингга дунёнинг 126 давлати кирди.
Нашрнинг эслатишича, ўтган йили Ўзбекистон ушбу рейтингда 106 та мамлакат ичида 48-поғонани банд этган эди.
Таъкидланишича, Ўзбекистон МДҲ давлатлари орасида Россия (2-ўрин) ва Украина (25-ўрин)дан кейинги 3-ўринни эгаллади.
Ушбу рейтингда Ўзбекистон Марказий Осиё давлатлари орасида биринчи бўлди. Қозоғистон армияси рейтингда 66-ўрин, Қирғизистон — 78, Тожикистон — 81, Туркманистон — 90-ўринда жойлашди.
Рейтингни тузишда 50 га яқин турли омиллар, жумладан қўшинлар сони, қуруқлик, ҳаво ва денгизда жанговар ҳаракатлар олиб бориш учун мўлжалланган ҳарбий техника миқдори ҳисобга олинди. Шу билан бирга, мамлакатлар қурол-яроғга сарфлаши мумкин бўлган иқтисодий манбалар ва рейтинг иштирокчиларининг географик жойлашуви ҳисобга олинди.
Изоҳ (0)