«Ўзбекистон ҳаво йўллари» авиакомпанияси «Тошкент – Нью-Йорк – Тошкент» ва «Тошкент – Калининград – Тошкент» рейслари сонини оширди. Бу ҳақда UzDaily хабар бермоқда.
Авиакомпания матбуот хизмати хабарига кўра, «Тошкент – Нью-Йорк – Тошкент» йўналиши бўйича иккинчи қатнов киритилган. 28 майдан бошлаб HY101/102 қатнови ҳафтанинг пайшанба ва якшанба кунлари бажарилади.
Шунингдек, «Тошкент – Калининград – Тошкент» йўналиши бўйича иккинчи қатнов киритилди. Энди авиакомпания чоршанба ва якшанба кунлари Калининградга учади. Қатновлар ёзги навигациянинг охири (2015 йил октябри)га қадар жадвал бўйича бажарилади.
Изоҳ (0)