Миллий матбуот марказида «Озиқ-овқат саноати кохоналари ишлаб чиқариш салоҳиятини такомиллаштириш — озиқ-овқат дастурини амалга ошириш муҳим омили» мавзусида оммавий ахборот ходимлари учун матбуот анжумани ўтказилди, дея хабар бермоқда «Туркистон-пресс».
Соҳа мутасаддиларининг маълум қилишича, озиқ-овқат саноати кохоналари уюшмаси бўйича жорий йилнинг I чорагида 991,1 миллиард сўмлик саноат маҳсулотлари ишлаб чиқарилди ва ўсиш суръати ўтган йилнинг шу даврига нисбатан 112,0 фоизга таъминланди. Республика бўйича эса 2,9 триллион сўмлик маҳсулот ишлаб чиқарилишига эришилди.
I чорак давомида 98 номдаги янги озиқ-овқат маҳсулотлари ишлаб чиқарилиши йўлга қўйилди. Шундан 79 таси қандолат, 5 таси ёғ-мой маҳсулотлари, 7 таси мева-сабзавот консервалари, 3 таси гўшт ва 4 таси сут маҳсулотларидир.
Матбуот анжуманда 2015 йилда уюшма бўйича корхоналарнинг ўз маблағлари, банк кредитлари ва хорижий сармоялар эвазига 55,45 миллион доллар миқдорида инвестиция ўзлаштириш белгилангани, шу жумладан, умумий қиймати 26,37 миллион доллар бўлган 44 та лойиҳа тўлиқ ишга туширилиши ва 317 та иш ўринлари яратилиши лозимлиги таъкидланди. Январь—март ойларида ишлаб чиқаришни модернизациялаш, техник ва технологик қайта жиҳозлаш учун 1,98 миллион доллар ўрнига 3,29 миллион АҚШ доллари миқдоридаги сармоя йўналтирилиб, бу борадаги истиқбол кўрсаткичи 166,7 фоизга бажарилди.
Изоҳ (0)