Дэвид Бекхэм Британия маликаси Шарлоттага чўқинтирган ота бўлади

Таниқли спортчи Дэвид Бекхэм қироллик оиласи томонидан яна бир унвонга сазовор бўлади, деб хабар беради «Koрреспондент.net».

Собиқ футболчи Кембриж герцог ва герцогинясининг янги туғилган чақалоғининг чўқинтирган отасига айланади. Уильям ва Кейтнинг қизи 2 май куни дунёга келганди. Ҳозирча чўқинтириш маросими қачон ўтказилиши маълум эмас.

Дэвид Бекхэм ва шаҳзода Уильям оилалари 2011 йилда танишганди ва ўшандан буён дўстона алоқаларни сақлаб келади.

Британия қироллик тахтига тўртинчи номзод бўлган маликага Шарлотта Елизавета Диана деб исм қўйилди.

Эслатиб ўтамиз, Бекхэм «Манчестер Юнайтед», «Престон Норт Энд», «Реал Мадрид», «Милан», «Лос-Анжелес Гелакси», «Пари Сен-Жермен» клублари ва Англия термасида тўп сурган. У 2013 йилда фаолиятини якунлаган.

Бекхэм куни кеча 40 ёшини нишонлади.