Непалдаги зилзила қурбонлари сони 5,6 мингдан ошди

Непалдаги зилзила оқибатида қурбон бўлганлар сони 5,6 минг кишидан ошиб кетди, деб хабар беради «РИА Новости».

Непал полицияси маълумотига кўра, 5630 киши ҳалок бўлган, тан жароҳати олганлар сони 7879 кишига етган. Непал пойтахти Катмандунинг ўзида 1089 киши ҳаётдан кўз юмган.

7,9 магнитудали ер силкиниши 25 апрель куни Непалда содир бўлди. Эпицентри мамлакат пойтахтидан 82 километр узоқликда бўлган зилзиладан кейин бир нечта афтершоклар кузатилди. Такрорий зилзилаларнинг энг кучлиси 6,7 магнитуда бўлди.

Эслатиб ўтамиз, Непал ҳукумати зилзила оқибатида ҳалок бўлганлар хотирасига 3 кунлик мотам эълон қилди.

Аввалроқ Россия самолётлари Непалдан ўзбекистонликларни ҳам эвакуация қилганини хабар бергандик.