Украина 2020 йилга келиб Европа иттифоқига аъзо бўлишга ариза бериш учун тайёр бўлади. Бу ҳақда Украина президенти Пётр Порошенко Украина-ЕИ саммитининг Киевдаги ялпи мажлисида айтиб ўтди, деб ёзади Meduza.
«Мен украин халқининг евроинтеграциялашувга бўлган интилишини қўллаб-қувватлаган ҳолда Евроиттифоқни Украина ҳам, умумий қадриятларни ҳурматлайдиган ва уларни ҳимоя қилишга тайёр бошқа ҳар қандай Европа давлати каби, ЕИга келажакда аъзо бўла олишини тан олишга чақираман. Албатта, барча мезонларга жавоб бериш шарти билан», — дея таъкидлади Порошенко.
У ҳозирда мамлакат тушиб қолган қийин вазиятда ислоҳотлар ўтказиш учун ҳам сиёсий, ҳам иқтисодий соҳада Евроиттифоқ кўмагига муҳтожлигини айтди.
Изоҳ (0)