Жанубий Корея президенти бош вазирнинг истеъфо ҳақидаги илтимосини қабул қилди

Жанубий Корея президенти Пак Кин Хэ мамлакат бош вазири Ли Ван Гунинг истеъфога чиқиш ҳақидаги илтимосини қабул қилди. «РИА Новости» хабарига кўра, коррупция можароси ортидан бош вазир ўтган ҳафта истеъфо ҳақида ариза топширганди.

«Менга маълум бўлгани, президент Пак Кин Хэ бош вазир Ли Ван Гунинг истеъфо ҳақидаги илтимосини расман қабул қилган», - деди ҳукмрон «Сенури» партиясидаги исми ошкор этилмаган манба.

Жанубий Корея бош вазири Ли Ван Гунинг истеъфога чиқиш ҳақидаги илтимоси 20 апрель куни президент девонига тақдим этилган эди. Ли Ван Гу бош вазир лавозимига 2015 йилнинг 16 февралида тасдиқланган эди.

Апрель ойи бошида, қурилиш компанияси раҳбари Сон Ван Чжон ўз жонига қасд қилганидан сўнг, Жанубий Кореяда навбатдаги йирик коррупцион можаро бошланди.

Тергов давомида марҳумнинг хати топилган, унда президент Пак Кин Хэ маъмуриятидаги қурилиш компанияси раҳбаридан пора олган амалдорларнинг исм-шарифлари ёзилган.

Хусусан, хатда қайд этилишича, бош вазир Ли Ван Гу 2013 йили Сон Ван Чжонда 30 миллион вон (тахминан 28 минг доллар) миқдорида пора олган. Сиёсий арбобнинг ўзи ушбу айбловни рад этмоқда.