Пенсильванияда Рубик кубигини йиғиш бўйича жаҳон рекорди янгиланди, деб хабар қилади «Газета.ru».
Коллин Бёрнс аввалги рекордни 0,3 сонияга яхшилади. У Рубик кубигини 5,25 сонияда йиға олди.
Финалда барча иштирокчиларга бештадан имконият берилди. Бёрнс энг яхши натижага учинчи уринишда эришди.
Аввалги дунё рекордчиси голландиялик Мэтс Вальк бўлган. У 2013 йилда 5,5 сонияда Рубик кубигини йиққанди.
2014 йилнинг март ойида британиялик муҳандислар томонидан яратилган CubeStormer 3 роботи Рубик кубигини 3,253 сонияда йиғишга эришганди.
Изоҳ (0)