Непалда 25 апрель куни рўй берган зилзила оқибатида ҳалок бўлганлар сони 3218 кишига етди, жабрланганлар эса 6500 кишидан ошиб кетди. Бу ҳақда Непалнинг табиий офатларга қарши кураш маркази вакилининг сўзларига таяниб, «РИА Новости» хабар бермоқда.
Мамлакатда фавқулодда ҳолат жорий қилинди. Қидирув ва қутқарув ишларида Непал ҳарбийларидан ташқари Хитой, АҚШ, Канада, Австралия, Япония ва Шри-Ланкадан келган қутқарувчилар иштирок этмоқда.
Олдинроқ зилзила кучи 7,4 магнитуда бўлгани ва 2000 дан ортиқ киши ҳалок бўлгани хабар қилинганди. Янги олинган маълумотларга кўра, ер силкинишининг кучи 7,9 магнитуда бўлган.
Зилзиладан сўнг бир кеча-кундузда 30 дан ортиқ такрорий зилзилалар бўлди. Мамлакат президенти эса тунни чодирда ўтказишига тўғри келди.
Изоҳ (0)