Непал президенти Рам Баран Ядав қароргоҳи ёнида рўй берган кучли зилзилалар туфайли 26 апрелга ўтар кечасини кўчага ўрнатилган чодирда ўтказди, дея хабар бермоқда «Эхо Москвы».
India ТV телеканали президент маъмуриятидаги манбасига таяниб маълум қилишича, кейинги ер силкинишлари қароргоҳни вайрон қилишидан хавфсираб, президент билан бирга унинг чодири яқинида соқчилар ҳам тунаган.
Эслатиб ўтамиз, Непалда 25 апрель куни рўй берган 7,4 магнитудали кучли зилзиладан сўнг, кейинги бир сутка давомида 30 дан ортиқ такрорий зилзила бўлиб ўтгани, ҳалок бўлганлар сони 2000 дан ошиб кетгани хабар берилган эди.
АҚШ Геология хизмати маълумотларига кўра, баъзи афтершокларнинг кучи 6 баллгача етган бўлиб, бу инфратузилмаларнинг бузилиши ва одамларнинг ҳалок бўлишига сабаб бўлувчи кучли ерости силкиниши ҳисобланади.
Изоҳ (0)