Россия президенти Владимир Путин давлат раҳбари лавозимидан ташқаридаги ҳаётни тўла тасаввур эта олишини маълум қилди. У бу ҳақда «Россия-1» телеканалида Путин ҳокимиятнинг олий лавозимларида ишлаётганига 15 йил тўлишига бағишланган «Президент» фильмида айтиб ўтди, деб ёзади «Ведомости».
«Бу лавозимдан ташқаридаги ҳаётни бемалол тасаввур эта оламан», — деди у.
«Агар киши шунчаки сарой интерьерларида мавжуд бўлиш ўрнига, оддий квартирага қайтиб, у ерда яшай олса, ўшанда у ташқи дунё билан алоқаларини йўқотиб қўймаган, деб ўйлайман», — дея қўшимча қилди Путин.
Изоҳ (0)