Руминия пойтахти Бухарест шаҳрида теннис бўйича ATP тур доирасидаги турнирнинг асосий тўр баҳслари давом этмоқда. Мукофот жамғармаси 439,405 еврони ташкил этувчи мусобақада ўзбекистонлик Денис Истомин ҳам иштирок этаётган эди, деб хабар беради Olamsport.com.
Ўзбекистоннинг биринчи рақамли теннисчиси илк даврада саралаш баҳслари ғолибларидан бири бўлган Никола Мектичга шармандали тарзда 3:6, 4:6 ҳисобида имкониятни бой бериб қўйди. Таққослаш учун, хорватиялик теннисчи дунё рейтингида 289, Истомин эса 65-ўринни эгаллаб турибди.
Энди Истоминга чиқиш эшикларини кўрсатиб қўйган Никола иккинчи босқичда испаниялик Даниэль Гимено-Травер билан тўқнаш келади. Травер биринчи босқичда турнирнинг 6-ракеткаси сербиялик Виктор Троицкини 5:7, 6:3, 6:1 ҳисобида таслим этган эди.
Изоҳ (0)