АҚШда метро йўловчиси йиқилиб тушган кишини қутқариш учун рельсга сакради (видео)

АҚШнинг Филадельфия шаҳридаги метро бекатларидан бирида перронда турган йўловчи қоқилиб, рельслар устига тушиб кетди, дея хабар бермоқда «Gazeta.ru».

Поездни кутиб турганларнинг кўпчилиги ўзини йўқотиб қўйган пайтда, бир йигит қулаган кишига ёрдамга шошилди.

Жабрланувчи Алфред МакНамининг умуртқа поғонаси жароҳатланди, қовурғалари синиб, тиззасига шикаст етди. Бироқ поезд етиб келгунига қадар уни перронга қайтариб чиқаришга муваффақ бўлишди. Унинг халоскори — 28 ёшли Чарльз Коллинз оёғидан кичик жароҳат олди.