Индонезиялик 21 ёшли Марио Стеван Амбарита Гаруда Индонесиа авиакомпаниясига тегишли реактив лайнер шассисининг герметикланмаган қисмига яшириниб, минг километр масофани учиб ўтди, дея хабар бермоқда InfoMedan.Net портали.
Паканбарудан Жакартага учган самолётда «қуён» борлиги, самолёт қўнганидан сўнг, Марио Амбарита гандираклаб учиш-қўниш йўлагига тушиб келганидан сўнг маълум бўлган – уни дарҳол қўлга олишган.
Амбаратани дастлаб шифохонага жойлаштиришган, чунки парвоз вақтида унда кислород етишмовчилиги юз берган ва у енгил жароҳатлар олганди, бироқ унинг ҳаётига ҳеч қандай хавф таҳдид солмаётгани маълум бўлганидан сўнг, уни полиция ҳибсхонасига ўтказишган.
Хабар берилишича, саргузаштталаб Марио Амбарита авиалайнер ғилдираги сақланадиган қисмга қандай қилиб яшириниш мумкинлигини интернет орқали ўрганиб, бундан бир йил аввал ҳам шу йўл билан пойтахтга учиб келишга ҳаракат қилган, бироқ уриниши муваффақиятсиз тугаган.
«Унинг айтишича, у Жокови (Индонезия президенти Жоко Видодо) билан учрашмоқчи бўлган», - деди Жакарта аэропорт расмийларидан бири.
Изоҳ (0)