Калифорния сув ҳавзаларининг соҳилга яқин ҳудудларида ёш денгиз арслонларининг оммавий ҳалокати давом этмоқда. Los Angeles Times газетаси хабарига кўра, шу йилнинг биринчи уч ойи давомида 2 мингдан зиёд касал жониворлар штат соҳилларига чиқиб қолган, дея хабар бермоқда ТАСС.
«Булар асосан денгиз арслонларининг 7 ойлик болаларидир. Улар озуқа етишмаслиги ва юқумли касалликлар оқибатида кучсизланиб қолмоқда», – дея такидланади Los Angeles Times газетасида. Фаоллар кучсиз жониворларни махсус реабилитация марказига элтмоқда.
Олимлар ҳалигача бир неча йил илгари денгиз арслонлари орасида тарқалган эпидемия сабабини тушунтириб бера олмаяпти. «Кўпгина мутахассислар фикрига кўра, жониворлар Тинч океани сувларининг исиши оқибатида ўзларига керакли миқдорда озуқа топа олмаяпти», — дейилади мақолада.
Изоҳ (0)