Air Canada авиакомпанияси йўловчи самолёти Канаданинг Галифакс шаҳридаги халқаро аэропорт учиш-қўниш йўлагидан ташқарига думалаб чиқиб кетди, дея хабар бермоқда Associated Press. Натижада 25 киши жиддий бўлмаган шикастланишлар билан касалхонага ётқизилди.
28 март, шанба куни Торонтодан учиб кетган Airbus А-320 лайнери бортида 132 йўловчи ва беш экипаж аъзоси бўлган.
Ҳодисага кеч бўлгани ҳамда кучли қор туфайли атрофнинг яхши кўринмагани сабаб бўлган бўлиши мумкин. Шунингдек, ҳалокат чоғида аэропортда электр ўчгани хабар берилмоқда.
Изоҳ (0)