Жанубий Корея президенти Пак Кин Хэ КХДРни Пхеньяннинг Жанубий Кореянинг «Чхонан» корвети ҳалокати билан боғлиқ ҳодисага алоқадор эмаслигини таъкидлаганига жавобан «провокация» қилмасликка чақирди, деб ёзади «РИА Новости».
«Умид қиламанки, Шимолий Корея бундан буён бемулоҳаза провокациялардан воз кечади ва уни ядро қуроли ҳимоя қила олади деб ўйлашни бас қилади», — деди Пак Кин Хэ.
Унинг сўзларига кўра, агар КХДР «изоляциядан чиқса, қувғинди бўлишдан тўхтайди ва ҳақиқий ўзгаришлар йўлини бошлайди, янги Корея ярим оролини яратиш имконияти юзага келади».
Эслатиб ўтамиз, аввалроқ КХДР Сеулдан 2010 йили Жанубий Кореянинг «Чхонан» корвети ҳалокатга учраганидан сўнг Пхеньянга нисбатан жорий этилган «24 май» санкция чораларини бекор қилишни талаб этган эди.
Аризада таъкидланишича, Пхеньян «КХДР алоқадор бўлмаган ушбу ҳодиса юзасидан узр сўраш нияти йўқ». «Агар Сеул ‘24 май’ чораларини сақлаб қолиш устида қатъий туриб олса, КРнинг ҳозирги ҳукумати ҳам Ли Мён Бак каби Корея халқи хоинлари деб ҳисобланади», — дея огоҳлантирди қўмита вакили.
Изоҳ (0)