NASA 2025 йилда америкалик астронавтларни астероидга, тўғрироғи унинг Ой атрофидаги орбитага етказиладиган бир парчасига туширмоқчи. Бу ҳақда NASA директори ёрдамчиси Роберт Лайтфутга таяниб, ТАСС хабар берди.
Америкалик мутахассислар Ой яқинидаги орбитага бутун бошли астероидни келтириш ғоясидан воз кечиб, у ерга унинг бир бўлагини ёки унинг юзасидаги улкан тошни олиб келишга қарор қилди. Бунинг учун 2020 йил декабрида экспертлар танлайдиган астероидга автоматик қурилма юборилади. У само жинсининг бир парчасини олиб Ер йўлдошига келтиради. Беш йилдан сўнг ушбу астероидга астронавтларни бортига олиб, Orion жўнайди.
Изоҳ (0)