Қозоннинг «Адмирал» савдо марказидаги ёнғин қурбонлари жасадларининг шахслари аниқланди ва қариндошларига топширилди, дея хабар бермоқда «РИА Новости» Россия ФВВнинг республика бўйича бош бошқармасига таяниб.
Топилган жасадлар суд-тиббий экспертизага берилган, у ерда уларнинг шахслари аниқлангач, қариндошларига топширилган. Бу борадаги муаммоли масалаларнинг барчаси ҳал этилган.
Эслатиб ўтамиз, Қозоннинг «Адмирал» савдо марказидаги ёнғин 11 март куни содир бўлди, у тезда 4 минг квадрат метр майдонга тарқалиб кетди. Ўт кетганидан икки соат ўтиб, кириш эшикларидан бири қулаб тушди, одамлар харобалар остида қолди. Сўнгги маълумотларга кўра, 17 киши ҳалок бўлди, 50 дан ошиқ киши жароҳат олди.
Изоҳ (0)