Россия президенти Владимир Путин 1 мартдан ўз маошини 10 фоизга қисқартирди, дея хабар бермоқда «Газета.ru» Кремль сайтига таяниб. Шунингдек, бош вазир Дмитрий Медведевнинг ойлиги ҳам камайтирилган.
Ҳужжатда айтилишича, 2015 йилнинг 1 мартидан 31 декабригача Россия президенти, ҳукумат раиси ҳамда «Ижроия ҳукуматининг баъзи федерал органлари раҳбарлари меҳнати учун ҳақ тўлаш тўғрисида» ва «Россия Федерациясининг баъзи давлат лавозимларини вақтинчалик бажарувчи шахсларга пул мукофоти бериш тўғрисида»ги фармонларга мувофиқ пул тўланадиган шахсларга, Россия Бош прокурори ва Тергов қўмитаси раисига бериладиган пул мукофоти, ойлик пулли рағбат ва чораклик пулли рағбат 10 фоизга камайтирилган ҳолда берилади.
Изоҳ (0)