Ўзбекистон футбол федерациясида 2014 йил якунлари бўйича бир неча номинациялар бўйича йилнинг энг яхшиларини тақдирлаш маросими бўлиб ўтди, деб хабар беради «Stadion.uz».
ЎФФ президенти Мираброр Усмонов маросимда нутқ сўзлаб, бундан аввал Ўзбекистон футболи ривожи ва пойдевори учун 8-10 йил кераклиги ҳақида гапиргани ва энди натижалар талаб этиладиган вақт келганини қайд этди.
«Мен давлатимиз ва ҳукуматимиз раҳбариятига алоҳида миннатдорчилик билдираман, –деди ЎФФ президенти. – Юртимизда 12 та стадион, 12 та футбол мактаби ва 4 та академия қуриб, ишга туширилди.
Деярли ҳар бир маҳаллада мини-футбол майдонлари қурилиб, ёшларимиз спорт билан машғул бўлмоқда. Хабарингиз бор, мустақиллик даврида халқимизнинг умр кўриш давомийлиги 5 йилга ошди. Бу ҳам халқимизнинг ютуқларидан бири».
Изоҳ (0)