Рокки Бальбоа ҳақидаги фильмнинг мантиқий давоми — «Крид» картинасини суратга олиш майдончасида ҳақиқий кураш муҳити ҳукм сурмоқда, деб ёзади «Российская газета». Ҳатто шунгача ҳам бориб етдики, продюсер Сильвестр Сталлоне бир-бири билан жанжаллашиб кетган актёрларни шахсан ўзи ажратиб қўйишига тўғри келди.
Воқеа съёмка бўлаётган куппа-кундуз куни рўй берди. Рикки ролини ўйнаётган британиялик боксчи Тони Белью экранда ўзининг мураббийини гавдалантираётган артистга ташланиб қолди. Эркаклар ўртасида муштлашув бошланди. Бақир-чақирни эшитиб, Сталлоне етиб келди ва жангга аралашди. Охир-оқибат у рақибларни ажратиб қўйишга муваффақ бўлди, бироқ суратга олиш жараёнини тўхтатиб туришга тўғри келди.
Низога нима сабаб бўлгани ҳозирча номаълум. Воқеа жойига етиб келган полиция на актёрлар таркибидан, на Бельюнинг ўзидан тузукли изоҳ ола олмади.
Изоҳ (0)