Доғистоннинг Қизилюрт туманида бир неча кун давом этган махсус операция етти нафар жангарининг йўқ қилиниши билан якунлади, дея хабар бермоқда «Российская газета».
25 февраль куни бир қатор қишлоқларда жорий қилинган аксилтеррорчилик операцияси режими 2 март 11:30 да бекор қилинди.
Жанговар операция чоғида Россия ИИВ ички қўшинларининг бир нафар ходими ҳалок бўлди, яна бир жангчи яраланди ва касалхонага ётқизилди. Аҳоли орасида ҳеч кимга зиён етмади.
Нашрнинг эслатишича, Қизилюрт туманида кучлар жангариларнинг дала истеҳкомини қуршаб олган эди. Ҳудудни оралаб текшириш чоғида уч нафар жангарининг жасади топилган. Улардан бири 2014 йил июлида истеъфодаги полиция полковниги Айтимир Шалимгереевнинг ўлимига алоқадор Олег Шаляпин бўлиб чиққан.
Изоҳ (0)