Dog‘istonning Qizilyurt tumanida bir necha kun davom etgan maxsus operatsiya yetti nafar jangarining yo‘q qilinishi bilan yakunladi, deya xabar bermoqda “Rossiyskaya gazeta”.
25-fevral kuni bir qator qishloqlarda joriy qilingan aksilterrorchilik operatsiyasi rejimi 2-mart 11:30 da bekor qilindi.
Jangovar operatsiya chog‘ida Rossiya IIV ichki qo‘shinlarining bir nafar xodimi halok bo‘ldi, yana bir jangchi yaralandi va kasalxonaga yotqizildi. Aholi orasida hech kimga ziyon yetmadi.
Nashrning eslatishicha, Qizilyurt tumanida kuchlar jangarilarning dala istehkomini qurshab olgan edi. Hududni oralab tekshirish chog‘ida uch nafar jangarining jasadi topilgan. Ulardan biri 2014-yil iyulida iste’fodagi politsiya polkovnigi Aytimir Shalimgereyevning o‘limiga aloqador Oleg Shalyapin bo‘lib chiqqan.
Izoh (0)