Афғонистон шимоли-шарқида қор жуда кўп ёғгани туфайли камида 108 киши ҳалок бўлди, деб ёзади «Корреспондент.net» маҳаллий шошилинч хизмат вакилига таяниб.
Унинг айтишича, мамлакат шимоли-шарқидаги тўртта провинцияда қор кўчган. Офатдан энг кўп Панжшер провинцияси аҳолиси жабр кўрган.
Қор кўчкилари тумандаги 100 га яқин уй-жойни вайрон қилган. Баъзи ҳудудларда қор баландлиги бир метрга етади, кўплаб кўчаларда дарахтлар қулаб, йўлни ёпиб қўйган. Афғонистон пойтахти Қобулга эса айни пайтда қор бўрони ёпирилган.
Изоҳ (0)