Америкалик мактаб ўқувчилари дарсда интерактив компьютер ўйини ёрдамида АҚШдаги қуллар бошига тушган мусибатларни ҳис қилиш имкониятига эга бўлди, деб ёзади «Российская газета».
«АҚШ миссияси: Озодликка парвоз» (Mission US: Flight to Freedom) номи остидаги ўйинни ишлаб чиққан Нью-Йорк компанияси ўқитувчиларга қуллик тарихи ҳақидаги дарсларда ўз маҳсулотларидан фойдаланишни таклиф қилмоқда.
Ўйин сюжетига кўра, ўқувчилар қора танли чўри — 14 ёшли Люси Кинг номидан ҳаракат қилиши ва плантациялардан қочиб кетишга уринар экан, турли қарорлар қабул қилиши керак бўлади.
Баъзи ўқитувчилар аллақачон ушбу дастурдан фойдаланишни бошлаб юборган ва ҳатто унга юқори баҳо бермоқда. Бошқалар эса, аксинча бу компьютер ўйини орқали қулларнинг азоб-уқубатлари болалар учун вақтичоғликка айланганини таъкидламоқда.
Изоҳ (0)