Канаданинг Торонто шаҳрида сирли туннель топилди, дея хабар бермоқда Meduza. У 2015 йил ёзида Панамерика ўйинлари доирасида теннис бўйича мусобақа бўлиб ўтадиган кортлар яқинида жойлашган.
Ер ости йўлагининг узунлиги тахминан 10 метр, кенглиги ва баландлиги 2 метрни ташкил этади. Шифт профессионал равишда қозиқоёқлар билан маҳкамланган. Бу туннелни ким ва нима учун қазигани номаълум.
Патруль полициячиси уни 14 январда топиб олган, бу ҳақда расман 24 февраль куни маълум қилинган.
Торонто полицияси бошлиғи ўринбосари Марк Саундерс сўзларига кўра, туннелга тушиш учун нарвон ўрнатилган, ичкарига ёруғлик ўтказилган. Чуқурга кириш жойининг яқинида электр генератор, ҳаво компрессори ва сув тортиб чиқарадиган насос топилган.
Туннелнинг ўзида асбоблар, бўш бутилкалар, озиқ-овқат контейнерлари ва пластик лолақизғалдоқ гулидан тасбеҳ топилган.
Полиция туннелнинг қурилиши қачон бошлангани, у охирига етказилган-етказилмагани, у қаерга олиб бориши керак бўлганини билмайди. Полиция бутун шаҳар аҳолисига ёрдам сўраб мурожаат қилди.
Изоҳ (0)