Қозоғистон Конституциявий кенгаши мамлакат президентлигига муддатидан аввалги сайловларни эълон қилиш учун ҳеч қандай тўсқинлик йўқ деб ҳисоблайди. Бу ҳақда кенгаш баёнотига таяниб, «РИА Новости» хабар берди.
Қозоғистон Халқ ассамблеяси кенгаши 14 февраль куни президент сайловларини муддатидан аввал ўтказиш ташаббуси билан чиқди. Қатор сиёсий партиялар ва жамоатчилик бирлашмалари бу ташаббусни қўллаб-қувватлади.
Конституциявий кенгаш парламент сенати раҳбарининг мурожаатини кўриб чиқди, унда Қозоғистон конституциясининг 41-моддаси 1—3-бандларига расман шарҳ бериш сўралган эди.
Бунга жавобан, Конституциявий кенгаш тегишли бандга расмий изоҳ бериб, республика конституциясида давлат раҳбари томонидан муддатидан аввалги президентлик сайловлари белгиланишида ҳеч қандай тўсқинлик ва чекловлар кўзда тутилмаганлигини қайд этди.
Изоҳ (0)