Донбассда 15 февралга ўтар кечасидан жорий этилган «тинчлик режими»ни ҳар иккала томон ҳам бузмоқда, деб хабар бермоқда Meduza бир-бирини қоидабузарликда айблаётган айирмачилар ва Украина армияси хабарларига таяниб.
Пётр Порошенко матбуот котиби Святослав Цеголко маълумотларига кўра, 15 февраль куни 5:00 гача умуман олганда «тинчлик режими»га риоя қилинди, бироқ айирмачилар Украина ҳарбийлари жойлашган нуқталарни, жумладан олтита блокпостни ўн марта ўққа тутди. «Тизимсиз» отишмалар ҳақида Украина Қуролли кучлари бош штаби спикери вазифасини бажарувчи Владислав Селезнёв ҳам хабар қилган.
Ўз навбатида ДХР корпуси қўмондони ўринбосари Эдуард Басурин айирмачилар Украина армияси ҳаракатларига жавобан ўт очишга мажбур қолганини маълум қилди.
Изоҳ (0)