Қозоғистон халқлари ассамблеяси раиси ўринбосари Анатолий Башмаков мамлакатда яқин вақтлар ичида президент сайловларини муддатидан аввал ўтказишни таклиф қилди, деб ёзади «Vласть» журнали. Бундай ташаббус билан у ҚХАнинг Остонадаги кенгашида чиқиш қилган.
«Бунга асослар қуйидагилардан иборат: биринчидан, бизда 2016 йилда иккита сайлов кампанияси бўлади — мажилис депутатлари ва президент сайловлари, ва бу табиийки, юридик уйғунсизлик демакдир; яна, 2016 йилга, экспертлар ҳисоб-китобига кўра, молиявий-иқтисодий инқироз чўққиси тўғри келади», — дея таъкидлади Башмаков.
Унинг айтишича, Қозоғистон раҳбариятининг бор эътибори мамлакат иқтисодиёти ва жамиятида «инқирозли ҳодисалар юзага келишига йўл қўймаслик»ка қаратилиши керак. «Бу пайтда эса сайловлар ҳам бор. Шу туфайли мен президентлик сайловларини шу йилга кўчиришни таклиф қиламан», — деди Башмаков.
Изоҳ (0)