Куба давлат кенгаши раиси Рауль Кастро АҚШ билан муносабатлар нормаллашуви учун учта шарт бажарилиши кераклигини айтди, дея хабар бермоқда «Сегодня.ua». Булар — мамлакатга нисбатан савдо эмбаргосини олиб ташлаш, Гуантанамодаги Америка ҳарбий базаси ҳудудини унга қайтариш ва Кубани террорчиликни қўллаб-қувватловчи мамлакатлар рўйхатидан чиқариш.
«Асосий муаммо ҳал этилмади. Гап улкан ижтимоий ва иқтисодий зарар келтирадиган, шунингдек халқаро ҳуқуқ меъёрларига зид бўлган иқтисодий, савдо ва молиявий қамал ҳақида бормоқда», — деди Кастро.
«Дипломатик алоқаларни ўрнатиш — бу икки томонлама муносабатларни нормаллаштириш бўйича жараённинг бошланиши, холос, бироқ қамал бор экан, бу амалга оша олмайди», — дея таъкидлади у.
Изоҳ (0)