Қирғизистон ва яна олтита давлат БМТ Бош Ассамблеясида овоз бериш ҳуқуқидан вақтинча маҳрум этилди, дея хабар бермоқда ТАСС БМТ бош котиби расмий вакили Стефан Дюжаррикка таяниб. Бунга ушбу мамлакатларнинг бутунжаҳон ташкилоти фаолиятини молиялаштириш учун бадал тўламагани сабаб бўлган.
«Айни пайтда Бош Ассамблеянинг 69-сессияси чоғида етти аъзо-мамлакат овоз бера олмайди. Булар Гренада, Қирғизистон, Маршалл ороллари, Собиқ Югославия Республикаси Македония, Тонга, Вануату ва Яман», — деди у.
БМТ Уставининг 19-моддасига кўра, ташкилотга аъзо мамлакатнинг «қарздорлик суммаси бундан олдинги икки йил давомида тўлаган бадаллар суммасига тенг бўлиб қолса ёки ундан ошиб кетса, Бош Ассамблеяда овоз бериш ҳуқуқидан маҳрум этилади».
Изоҳ (0)