YouTube’да янги туғилган пакана бегемот иштирокидаги видео ярим миллиондан ортиқ марта томоша қилинди, деб ёзади «Российская газета». Жонивор Лондондаги Випснейд ҳайвонот боғида Янги йил арафасида дунёга келган.
Зоопарк сайтида қайд этилишича, чақалоқнинг онаси — Флора лақабли пакана бегемот саратон касаллигига чалинган. Бироқ оғир хасталик ҳомилага таъсир қилмаган.
Янги пакана бегемотнинг туғилиши ҳайвонот боғи учун аҳамиятли воқеа бўлди: ушбу тур йўқолиб кетиш хавфи остида турибди.
Изоҳ (0)