Телевизион кўрсатувлар рейтинглари ёрдамида тадқиқотчилар грипп эпидемияси чоғида одамлар уйда қанча вақт ўтказганини ҳисоблади ва ижтимоий фаолликнинг камайиши касалликнинг сўнишига олиб келишини аниқлади. Бу ҳақда BMC Infectious Diseases журналида келтирилган мақолага таяниб, «Газета.ru» хабар берди.
Мисол тариқасида тадқиқотчилар 2009 йил апрелида Мехикода авж олган A/H1N1 чўчқа гриппи эпидемиясини келтириб ўтди. Бу пайтда телевизион кўрсатувлар рейтинги ошиб кетган. Бу одамлар ўша вақтда уйда қолиб, атрофдагилар билан алоқаларини чеклашни афзал кўрганидан дарак беради. Мутахассислар ишонч билан таъкидлашича, бундай «ўз-ўзини изоляциялаш» инстинкти бўлмаганида эди, чўчқа гриппидан янада кўпроқ киши азоб чеккан бўларди.
Шифокорлар инфекцион касалликларни юқтириб олиш эҳтимоли юқори бўлган давр мобайнида, масалан, ҳар йилги мавсумий грипп эпидемияси вақтида бундай тактикага риоя қилишни маслаҳат бермоқда.
Изоҳ (0)