Қишки таътил даврида − 5 ва 6 январь кунлари «Истиқлол» санъат саройида «Маша ва айиқ» мультфильми асосида саҳналаштирилган шу номли болалар янги йил томошаси бўлиб ўтди. Бу ҳақда тадбир ташкилотчилари «Дарё»га маълум қилди.
Ушбу табдир Art Uz Promotion МЧЖ томонидан ташкил этилган бўлиб, ушбу ташкилотга мультфильм қаҳрамонлари образини ишлатиш учун экслюзив ҳуқуқ мультфильмга дахлдор муаллифлик ҳуқуқларига эгалик қилувчи Россиянинг «Маша и медведь» компанияси томонидан тақдим этилган.
Шуни таъкидлаб ўтиш жоизки, ушбу саҳна кўринишининг сюжети айнан «Маша и медведь» компанияси томонидан тасдиқланган бўлиб, унда бош қаҳрамонлар Маша ва Айиқ, анъанавий Қорбобо ва Қорқиздан ташқари муҳлислар қаршисида ҳалқимиз учун севимли бўлган Шумбола образи ҳам намоён бўлди.
Маша, Айиқ ва Шумболанинг янги йил саргузаштлари ҳақидаги саҳналаштирилган этракни яратиш устида Ўзбекистонда хизмат кўрсатган артист Малика Искандерова ва Ўзбекистон ёшлар театри актёри Бобур Йўлдошев ишладилар. Ролларни театрларимизнинг кўзга кўринган актёрлари ижро этдилар
Саҳна кўриниши 3 ёшдан 12 ёшгача бўлган болалар учун мўлжалланган бўлиб, ҳатто уларнинг ота-оналарига ҳам манзур бўлди. Ушбу томоша катталар ва болалар учун севимли бўлиб қолган мультфильмга монанд равишда тақдим этилди ва ушбу мультфильмдаги мусиқа ва мультфильм муаллифлари томонидан тақдим этилган либослар тадбирга ўзига хос жозиба бахш этди.
Шу билан бирга тадбирни саҳналаштиришда ўзбек мумтоз мусиқаси, миллий қўшиқлар ва миллий либослардан фойдаланилгани ҳам барчани эътиборини жалб этди.
Қорбобо томонидан тайёрланган махсус янги йил совғаси эса тадбирнинг энг юқори нуқтаси бўлди – намойиш сўнгида ёш томошабинлар учун «Маша и медведь» компанияси томонидан махсус тақдим этилган «Маша ва Айиқ» мультфильмининг янги сериясининг илк намойиш бўлиб ўтди.
Изоҳ (0)